साउन ७ एजेन्सी । अमेरीकी राष्ट्रपति डोनाल्ड ट्रम्प र उनका सचिव तथा प्रशासनिक अधिकारीहरुले कोरोना भाईरसलाई चीनीया भाईरस, वुहान भाईरस भन्दै बताईरहेका बेला अमेरीकी संसदकी सभामुख न्यान्सी पेलोसीले यो ट्रम्प भाईरस भएको भन्दै गंभीर प्रश्न उठाएकी छन् ।
सिएनएनसगँको कुराकानीमा सभामुख पेलोसीले अमेरीकामा कोरोना महामारी नियन्त्रण सही ढंगले नगरेको भन्दै ट्रम्पको आलोचना गर्ने क्रममा यस्तो टिप्पणी गरेकी हुन् ।
ट्रम्पले मास्क लगाउने आफू मात्रै सच्चा राष्ट्रवादी भएको भन्दै कोरोनाले सुधार हुनु अघि अझ खराब स्थिति ल्याउने बताएको भोलीपल्ट पेलोसीको यो टिप्पणी आएको हो ।
राष्ट्रपतिको आजको कुरा सुन्दा लाग्छ उनले गल्ती स्वीकार गरेका छन्, यो सुधार हुनु अघि खराब किन भयो भने यसबारेमा कुनै कदम चालिएन , पेलोसीले भनिन् ।
महामारी कुनै अफ्वाह नभएको भन्दै उनले थपिन्, यो स्पष्ट रुपमा ट्रम्प भाईरस् हो ।
