एजेन्सी साउन ३ । मोदी सरकारले माओवादीसगँ सम्बद्ध रहेको आरोपमा जेल हालेका ८० बर्षे बृद्ध कवि बारबरा राओलाई कोरोना पोजेटिभ देखिएको छ । उनलाई जेलमै कोरोना परीक्षण गर्दा संक्रमण देखिएको थियो ।
त्यस पछि उपचारमा सरकारले वेवास्ता गरेको परिवारजनले बताए पछि भारतको राष्ट्रिय मानव अधिकार आयोगले बिशेष सुविधा सहितको उपचारका लागि निर्देशन दिएको छ ।
उनलाई सन् २०१८ मा जातिय हिंशाको आरोपमा जेलमा हालिएको छ । प्रगतिशील वामपन्थी लेखक, साहित्यकारहरुले उनको रिहाईको लागि दबाब दिदै आएका छन् ।
राओले राज्यले लगाएको यस आरोप अस्वीकार गरेका छन् । उनको स्वास्थ्यलाई लिएर अन्तराष्ट्रिय क्षेत्रबाट पनि चासो व्यक्त भएको छ ।
सयुक्त राष्ट्रसंघका लागि स्पेसियल र्यापोटर फर ह्युमन राईट डिफेन्सका मेरी ललोरले ट्वीटर मार्फत ध्यानाकर्षण भएको बताएका थिए ।
उनको उपचारमा गंभीर लापरबाही भएको, उपचार प्रभावकारी नहुँदा हालत खराब भएको पारीवारीक स्रोतले बताएको छ । स्थानीय सञ्चार माध्यमका अनुसार राओले आफ्नै श्रीमतिलाई समेत चिन्न सकेका थिएनन् ।
