असार ३० एजेन्सी । विश्व स्वास्थ्य संगठन डब्लुएचओले कोरोना भाईरस नियन्त्रण सम्बन्धमा देशहरुले गलत दिशा निर्देश गरीरहेको भन्दै सही कदम चाल्न नसके यसले खराब भन्दा खराब स्थिति निम्त्याउन सक्ने चेतावनी दिएको छ ।
डब्लुएचओका प्रमुख डा. टेड्रोस एदनाम गेब्रियसिसले धेरै देशहरुले सही दिशा निर्देश गर्न नसकेको भन्दै यस्तो चेतावनी दिएका हुन् ।
सुरक्षाका निर्धारीत मापदण्डहरु पूरा नगरेका अधिकाश क्षेत्रमा यो संक्रमण बढी देखिएको उनले बताए ।
उनले नेताहरुको मिश्रित सन्देशहरुले यो भाईरस नियन्त्रणमा लिन अप्ठेरो परेको पनि बताए ।
उनले भने अहिलेको जनताको सबै भन्दा ठूलो शत्रु कोरोना भाईरस हो, तर धेरै नेता र सरकारहरुले यसलाई व्यवहारमा त्यसरी प्रतिविम्वित गर्न नसकेको टेड्रोसले बताए ।
सामाजिक दुरी, हात धुने, मास्क लगाउने जस्ता कार्यहरु अनिवार्य रुपमा गर्नु पर्ने पनि उनले बताए ।
