असार २२ एजेन्सी । व्यापार युद्ध, कोरोना विवादलाई लिएर तनाब बढीरहेका बेला अमेरीकाले चीनीया सागरमा बिशाल सैन्य अभ्यास जारी राखे पछि र चीनीया जनमुक्ति सेनाले समेत सो क्षेत्रमा अभ्यास गरीरहेका बेला तनाव थप बढेको छ ।
सन् २०१४ पछि पहिलो पटक अमेरीकाले थियोडोर रुजबेल्ट र युएसएस निमित्ज र बी ५२ जस्ता घातक लडाकु विमानहरुले निरन्तर उडान र अभ्यास जारी राखेको छ ।
अघिल्लो बुधबार देखि सो क्षेत्रमा जनमुक्ति सेनाले समेत अभ्यास गरेको थियो ।
आज मात्रै ती युद्धपोतबाट ११ वटा लडाकु विमानले उडान भरे पछि चीनले कडा प्रतिकृया जनाएको छ ।
चीनीया विदेश मन्त्रालयका प्रवक्ता झाओ लिजियानले आज पत्रकार सम्मेलनमा बोल्दै अमेरीकाको यो सैन्य उपथितिले यस क्षेत्रको शान्ति र स्थीरतालाई खतरा पुर्याउने र चीनीया सागरमा सैनिकिकरण बढ्ने भन्दै आपत्ति जनाए ।
यस बारे अन्तराष्ट्रिय समुदाय खास गरी यस क्षेत्रका देशहरुले स्पष्टसगँ महसुस गरीरहेको उनले बताए ।
प्रवक्ता लिजियानले जनमुक्ति सेनाले सिसा क्षेत्रमा आफ्नो सैन्य अभ्यास गरेको र यो निर्विवादीत र चीनीया सार्वभौम क्षेत्र भएको दोहोर्याए ।
यसैबीच चीनीया सैन्य विशेषज्ञहरुका अनुसार अमेरीकाले आफ्नो देशमा कोरोना नियन्त्रणमा असफल भए पछि अमेरीकाले जनतालाई डाईभर्ट गर्न सैन्य शक्तिको प्रदर्शन गरेको भन्दै यसलाई जनमुक्ति सेनाले नजिकबाट नियालीरहेको र आफ्नो सार्वभौम क्षेत्रको रक्षाका लागि तयार रहेको दाबी गरेका छन् ।
दुई वटा शक्तिशाली युद्धपोत र युद्धक समुह जनमुक्ति सेनाको लागि ढोकामा खडा भएको कागजी बाघ हो र यो जनमुक्ति सेनाको निशाना भन्दा बाहिर नरहेको प्रतिकृया दिएका छन् ।
सैन्य विज्ञ सोगं झोगंपिंगले जनमुक्ति सेनामा सामेल भएको बिशेष प्रकारको स्वदेश निर्मित एन्टीएयर क्राफ्ट हतियारबाट ती युद्धपोतहरुलाई ध्वस्त गर्न सक्ने क्षमता जनमुक्ति सेनामा रहेको दाबी पनि गरेका छन् ।
देशभित्र कोरोना नियन्त्रणमा असफल भएको र चीन बिरुद्ध हगंकंग कार्ड समेत असफल भए पछि अमेरीकाले सेनाको उपस्थिति बढाएर आफ्नो शक्ति अझै छ भन्ने सन्देश दिन खोजेको उनीहरुको दाबी छ ।
यसैगरी बेईजिगं आधारीत नावल विज्ञ लि जेईले अमेरीका अझै पनि विश्वको सैन्य महाशक्ति भएको सन्देश दिन युद्धपोत सागरमा पठाएको बताएका छन् ।
यसैबीच अमेरीकाको संभावित आक्रमणको प्रत्याक्रमण गर्न चीनले अभ्यासका क्रममा नयाँ मिसाईल र हतियारहरुको परीक्षण गरेको ग्लोबल टाईम्सले बताएको छ । तर त्यो मिसाईल र हतियारबारे विस्तृत विवरण दिईएको छैन ।
एन्टी एयरक्राफ्ट डी एफ २१ डी र डिएफ २६ जस्ता घातक युद्धपोत विध्वशंक हतियारहरु समेत जनमुक्ति सेनाले सागरमा अभ्यासका क्रममा सामेल गराएको थियो ।
दक्षिणी चीनीया सागर स्वतन्त्र हुनु पर्ने अमेरीकाको दाबी छ भने चीनले आफ्नो सार्वभौम क्षेत्र भन्दै यसको रक्षाका लागि कुनै पनि कसर बाँकी नराख्ने जनाउदै आएको छ ।
