एजेन्सी असार १९ । विश्वभर निरन्तर कोरोना संक्रमित बढ्ने क्रम जारी छ । यस क्रममा विश्वभर पछिल्ल्लो २४ घण्टामा एकै दिन २ लाख ४ हजार ६ सय बढी कोरोना संक्रमित थपिएका छन् ।
त्यस मध्य सबै भन्दा धेरै अमेरीकामा ५३ हजार , ब्राजिलमा ४७ हजार ९ सय र त्यस पछि भारतमा सबै भन्दा धेरै २१ हजार ९ सय संक्रमित भेटिएका छन् ।
विश्वभर अहिले सम्म एक करोड ९ लाख ७० हजार २ सय ४७ संक्रमित पुगेका छन् भने ५ लाख २३ हजार एक सय ६६ जनाको मृत्यु भएको छ ।
साथै ६१ लाख २९ हजार २ सय ५४ जना निको भएका छन् ।
हाल सम्म अमेरीकामा २८ लाख ३३ हजार २ सय २७ संक्रमित भएका छन् भने एक लाख ३१ हजार ४ सय १३ जनाको मृत्यु भएको छ ।
त्यसपटि ब्राजिलमा १५ लाख एक हजार ३ सय ५३ संक्रमित छन् भने ६१ हजार ९ सय ९० जनाको मृत्यु भएको छ ।
त्यसै गरी रुसमा ६ लाख ६१ हजार १ सय ६५ जना संक्रमित छन् भने १८ हजार २ सय २५ जनाको मृत्यु भएको छ ।
भारतमा ६ लाख २७ हजार एक सय ६८ जना संक्रमित छन् भने १८ हजार २ सय २५ जनाको मृत्यु भएको छ ।
