असार १७ एजेन्सी । अमेरीकी राष्ट्रपतिका डेमोक्रयाटका उम्मेद्धार डा. जोइ विदेनले वर्तमान राष्ट्रपति डोनाल्ड ट्रम्पले कोरोना बिरुद्ध आत्मसमर्पण गरेको आरोप लगाएका छन् ।
विलमिग्टनमा संवोधन गर्दै विदेनले ट्रम्पले आफूलाई कोरोना विरुद्धको युद्धमा रहेको राष्ट्रपति बताए पनि उनी मैदानबाट फिर्ता भएको, र उनले सेतो झण्डा सहित युद्ध मैदान छाडेर आत्मसमर्पण गरेको आरोप लगाए ।
उनले शुरुमा कोरोना भाईरसलाई हेलचेक्राई गरेको पनि ट्रम्पमाथि आरोप लगाए ।
एक लाख २५ हजार अमेरीकीहरुले महामारीबाट ज्यान गुमाईसकेको भन्दै विदेनले नस्लीय अन्याय विरुद्ध चलेको आन्दोलनका बारेमा पनि बोलेका छन् ।
यही आउदो नोभमेम्बरमा राष्ट्रपतिका लागि निर्वाचन हुदै छ । जहाँ ट्रम्प र विदेनबीच प्रतिस्प्र्धा हुने छ ।
यसैबीच अमेरीकाका महामारी रोग विशेषज्ञ वैज्ञानिक डा. एन्थोनी फौसीले अब अमेरीकामा दैनिक एक लाख कोरोना संक्रमित देखिए पनि आश्चर्यको बिषय नहुने चेतावनी दिएका छन् ।
अमेरीकाको सिनेटलाई उनले धेरै अमेरीकीहरुले सामाजिक दुरी कायम गर्ने र मास्क लगाउने काम नगरेको भन्दै यस्तो चेतावनी दिएका हुन् ।
मंगलबार मात्रै अमेरीकामा चौथो पटक एकै दिन ४० हजार बढी कोरोना संक्रमित फेला परेका थिए ।
म यति नै संक्रमित हुन्छ भनेर भन्न सक्दिन तर दिनमा एक सय हजार संक्रमित भए भने पनि त्याहाँ अचम्मित हुनु पर्दैन उनले सिनेटरहरुलाइ भने ।
अमेरीकामा व्यापारका साथै अब बिद्यालयहरु समेत खोल्ने तयारी भईरहेका बेला उनको यस्तो चेतावनी आएको हो ।
अमेरीकामा कोरोना भाईरसबाट हाल सम्म एक लाख ३० हजार बढीको मृत्यु भईसकेको छ भने २७ लाख बढी संक्रमित रहेका छन् ।
