नयाँदिल्ली असार २ । दुवैदेशबीच युद्ध भएको ५० वर्ष पछि पुनः तनाव बढेका बेला लद्धाखमा चीन र भारतीय सेनाबीच हिंशात्मक झडप भएको छ । जसमा एक अफिसर सहित ३ जना भारतीय सेनाको मृत्यु भएको छ ।
लद्दाखको गलवान उपत्यकमा दुई देशका सेनाबीच भएको झडपमा भारतीय सेनाका एक कर्णेलसहित तीन जना मारिएका हुन् ।
भारतीय सेनाको मुख्यालयले दिएको जानकारीअनुसार सोमबार राति चिनियाँ सेनासँग लामो घण्टौ सम्म झडप भएको थियो । भारतीय सञ्चार माध्यमका अनुसार ढुंगा प्रयोग गरेर हानाहान भए पनि गोली भने प्रयोग भएको थिएन । झडप स्थलमा दुबै देशका सैन्य अधिकारीहरु पुगेका छन् । सैन्य अधिकारी स्तरमा बार्ता जारी रहेका बेला यो झडप भएको हो ।
चीनीया सेना तर्फ भएको क्षतिबारे चीनीया जनमुक्ति सनोको तर्फबाट कुनै प्रतिकृया सार्वजनिक भएको छैन ।
लद्दाखको पाङगोङ सो, गल्वान, डेमचोक र दौलत बेगमा ५ हप्तादेखि दुई देशबीच तनाव उत्पन्न भएको छ । यसअघि पनि पाङगोङ सो क्षेत्रमा दुई देशका सैनिकबीच हात हालाहाल भएको थियो ।
सन् १९६२ को युद्ध पछि पहिलो पटक दुबै देशले हतियार तथा सेनाको केन्द्रीकरण सीमामा तीव्र बनाएका छन् ।
