एजेन्सी जेष्ठ असार २ । चीनमा कोरोना भाईरसको दोस्रो लहर शुरु हुन सक्ने चिन्ता बढीरहेका बेला राजधानी बेईजिङको सिनफादी खाद्य बजारबाट भाईरस फैलन शुरु भए पछि बजार तथा स्कुलहरु सम्पूर्ण रुपमा बन्द गरिएका छन् ।
वुहानको वेट मार्केटमा जस्तै वा त्यो भन्दा पनि बढी मात्रामा संक्रमित फैलन सक्ने भन्दै सो खाद्य बजार सहितका अन्य बजार बन्द गरिएका छन् । कोरोना माथि नियन्त्रण पछि खुलेका बिद्यालयहरु पुनः बन्द भएका छन् । होटल, रेष्टुरेन्ट, जस्ता सेवामुलक व्यवशाय पनि बन्द भएका छन् ।
सिनफादी होलसेल मार्केटमा देखिएको कोरोना भाईरस युरोपमा उत्पती भएको दाबी बेईजिङ स्थित रोग नियन्त्रण तथा रोकथाम महाशाखाका अधिकारीहरुलाई उद्धृत गर्दै सिसिटिभीले उल्लेख गरेको छ ।
अधिकारीहरुले खाद्य बस्तु या कुनै पनि नागरिकबाट उक्त भाईरस चीन प्रवेश गरेको अनुमान गरेका छन् ।
वेईजिङमा चार दिनमा ७९ जना संक्रमित फेला परेका छन् । त्याहाँ मास परीक्षणको रुपमा दैनिक ७० हजार भन्दा बढीको परीक्षण जारी रहेको पनि अधिकारीहरुले जनाएका छन् । सिनफादी बजारका २ लाख बढीलाई स्क्रीनीङ गरिएको पनि बताईएको छ ।
