एजेन्सी असार २ । ईजरायली अतिक्रमण र वेष्ट बैंकमा बस्ती बिस्तार गर्ने योजनाको एकीकृत प्रतिरोधका लागि सम्पूर्ण प्यालेष्टाईनीहरुलाई एक जुट हुन प्यालेष्टाईनीहमासले अपील गरेको छ ।
हमासका अधिकारी सलाह अल बर्दवीलले न्युज कन्फेरेन्समा बोल्दै बलियो राष्ट्रिय एकता र सयुक्त प्रतिरोधले मात्रै ईजरायली अतिक्रमणलाई रोक्न सकिने बताए ।
उनले शान्तिपूर्ण प्रदर्शन लगायतका प्रतिरोधका कार्यक्रम गर्न उनले अपील गरेका हुन् ।
गाजा र रमल्लाहमा दुई अलग अलग संगठनको नेतृत्वका सरकार रहेका छन् ।
उनले हमास र प्यालेष्टाईन मुक्ति सगठनबीच सयुक्त साधारण सभाको पनि अपील गरेका छन् ।
हमास र मुक्ति संगठन दुबैले ईजरायली अतिक्रमणको बिरोध गर्दै आएका छन् । हमास २००७ देखि गाजामा शक्तिमा आएको थियो ।
ईजरायलले प्यालेष्टाईनको महत्वपूर्ण कृषि क्षेत्र वेष्ट बैंकमा बस्ती बिस्तार गर्ने योजना ल्याए पछि त्यसको संसारभरबाट बिरोध हुदै आएको छ ।
ईजरायलले प्यालेटाइईनी भूमि कब्जा गरेर राज्य खडा गर्नुका साथै युद्धआतक मच्चाएको भन्दै दशकौदेखि संघर्ष हुदै आएको छ ।
