एजेन्सी जेष्ठ ३१ । विश्वभर कोरोनाको पहिलो लहरको अन्त्य भईनसक्दै दोस्रो लहर शुरु हुन सक्ने चिन्ता बढेको छ । कोरोनामाथि जीतको घोषणा गरीसकेको चीनमा फेरी केही नयाँ संक्रमणको मामला देखिएका छन् भने दक्षिण कोरीयामा पनि केही नयाँ संक्रमण देखा परेको छ ।
यसै गरी नियन्त्रणको स्थितिमा पुगेको ईरानमा पनि लगातार कोरोना संक्रमण फेरी बढेको छ ।
चीनको राजधानी बेईजिगंमा लगातार दोस्रो दिन पनि कोरोना संक्रमितको संख्या बढे पछि ६ वटा खाद्य बजार बन्द गरिएको जनाईएको छ ।
यस्तै दक्षिण कोरीयामा कोरोनाको नयाँ संक्रमित बढ्न थाले पछि ईन्सेन्टिभ प्रिभेन्सन कार्य अनिश्चित कालका लागि बढाईएको बिबिसीले जनाएको छ ।
यस्तै ईरानमा पनि लगागतार संक्रमित बढीरहेको छ । यस अघि न्युनमात्रामा संक्रमित देखिन थाले पछि पल्लिो समय दैनिक २ हजार भन्दा बढी नयाँ मामला देखा पर्न थालेको जनाईएको छ ।
यद्यपि, विश्व स्वासथ्य संगठनका कार्यकारी निर्देशक डा. माईकल रायनले केही समय कोरोना नियन्त्रण गरेका मुलुकमा समेत भाईरसले फेरी खुट्टा पसारीरहेको देखिएको बताए ।
उनले यस्तो अवस्थामा सामाजिक दुरी, परीक्षणको विस्तार र नियमहरुको पालना गर्न पनि अपिल गरेका छन् ।
