एजेन्सी जेष्ठ २८ । २५ मे मा प्रहरीले नियन्त्रणमा लिएर घाँटी थिचेर हत्या गरिएका अश्वेत अमेरिकी नागरिक जर्ज फ्लोइडको टेक्सासस्थित ह्युस्टन शहरमा अन्तिम संस्कार गरिएको छ ।
उनकै गृहनगरमा गरिएको अन्तिम संस्कारमा सहभागीहरुले नश्लिय हिंसाविरुद्ध एकजुट हुनुपर्ने आवाज उठाएका छन् ।
सहभागीहरुले फ्लोइडले न्याय नपाएसम्म आन्दोलन र प्रदर्शनहरु जारी राख्ने बताएका छन् ।
सहभागीहरुले फ्लोइडको हत्याले अमेरिकामा रहेको नश्लिय विभेदको चरम नमूना रहेको प्रतिक्रिया दिएका छन् ।
श्रद्धाञ्जली सभामा पूर्व अमेरिकी उपराष्ट्रपति जो वाइडेनले पीडितले न्याय पाउने बताएका छन् ।
उनले राष्ट्रपति डोनाल्ड ट्रम्प प्रशासन फ्लोइड हत्या प्रकरणमा उदासिन रहेको आरोपसमेत लगाए ।
गत मे २५ मा निनियापोलिस शहरमा प्रहरीले नियन्त्रणमा लिने क्रममा घुँडाले फ्लोइडको घाँटीमा नौ मिनेट थिचेर हत्या गरेको भिडियो सार्वजनिक भएको थियो ।
घटना लगत्तै उक्त प्रकरणमा सहभागी प्रहरीलाई बर्खास्त गरि कारवाही प्रक्रियाअघि बढाइएको अधिकारीहरुले जनाएका छन् ।
तर पनि अमेरीका युरोप, अष्ट्रेलिया सहित विश्वभर रंग र जातिभेद बिरुद्धको आन्दोलन जारी राख्ने आन्दोलनकारीहरुले चेतावनी दिएका छन् ।
