जेष्ठ २७ एजेन्सी । उत्तर कोरीयाले प्रतिद्धन्दी छिमेकी दक्षिण कोरीयासगँको सैन्य तथा राजनीतिक सम्पर्क समाप्त पार्ने निर्णय गरेको छ । सीमा क्षेत्रमा उत्तर कोरीया बिरोधी पर्चाहरु बितरण भएको र त्यसलाई नरोकिएको भन्दै यस्तो निर्णय लिएको उत्तर कोरीयाली समाचार संस्था केसीएनएले जनाएको छ ।
समाचार अनुसार सबै भन्दा पहिला अन्तरकोरीयाली सम्पर्क कार्यलयको सञ्चार सम्पर्क बिच्छेद गरिने छ भने त्यस पछि दुई देशका राष्ट्रपति कार्यलयको बीचको हटलाईन समाप्त गरिने छ ।
उत्तर कोरीयाली जनता दक्षिण कोरीयाली अधिकारीहरुको विस्वासघाती व्यवहारबाट असन्तुष्ट बनेकाले यो निर्णय लिईएको समाचारमा उल्लेख छ ।
उत्तर कोरीयाली राष्ट्रपति किमको गरिमामा चोट पुर्याएको लगायतका बिषयमा पनि दक्षिण कोरीयामाथि आरोप लगाईएको छ ।
दक्षिण कोरीयामा उत्तरकोरीयाबाट भागेर पुगेका केही नागरिकले सीमा क्षेत्रबाट उत्तर कोरीयाली सरकार र राष्ट्रपतिलाई गाली गलौज गर्दै पर्चा लेखेर बेलुन उडाउने गरे पछि यस अघि पनि दक्षिण कोरीयालाई यो कदम रोक्न उत्तर कोरीयाकी किम पछिकी शक्तिशाली बहिनी किम यो जोगंले चेतावनी दिएकी थिईन् ।
सन् १९५३ मा विभाजित भएर दुई देश बने देखि नै उत्तर र दक्षिण कोरीयाबीच सम्बन्ध शत्रुतापूर्ण रहदै आएको छ ।
