एजेन्सी जेष्ठ २५ । मे २५ तारिखमा एक निहत्था काला नागरिक जर्ज फ्लेईडको प्रहरीले गरेको बर्बर हत्याको बिरुद्ध शुरु भएको जातिय विभेद बिरुद्धको आन्दोलनले अमेरीकाभर उग्र रुप लिदै गएका बेला प्रदर्शनकारीहरु ट्रम्पको गल्फ रिसोर्ट बाहिर समेत पुगेर विरोध गरेका छन् ।
फ्लोरीडामा ट्रम्पको गल्फ रिसोर्ट बाहिर प्रदर्शन भएको अल जजिराले जनाएको छ । आज मेनियापोलिस लगायतका राज्यमा जर्जप्रति मौन धारण गर्दै आन्दोलनकारी जम्मा भएको बताईएको छ । त्यसै गरी राजधानी वासिंग्टन डिसि सहितका क्षेत्रमा समेत प्रदर्शनकारीहरु जम्मा भएका छन् ।
उनीहरुले काला मानिसको जीवनको पनि महत्व छ भन्दै प्रदर्शन जारी राखेका हुन् । १२ दिन देखि चलेको हिंशात्मक प्रदर्शनका क्रममा दश हजार बढी पक्राउ परीसकेका छन् भने सयौ घाईते छन् ।
न्याय र जातिवादको बिरुद्ध भन्दै बेलायत , ग्रिस लगायत अमेरीका बाहिर पनि हजारौको संख्यामा जम्मा भएर प्रदर्शन चलिरहेको छ ।
