एजेन्सी जेष्ठ १८ । विश्भर महामारीको रुपमा फैलिएको कोरोना भाईरसको कहर अझै बढिरहेको छ । हाल सम्म विश्वमा कोरोना कारण मृतकको संख्या ३ लाख ७० हजार ५ सय बढी पुगेको छ भने संक्रमितको संख्या ६१ लाख ५० हजार नाघेको छ । यसै गरी निको हुनेको संख्या २७ लाख २९ हजार पुगेको छ ।
विश्वमा कोरोनाको संक्रमण उच्च भएका शीर्ष दश देशको विवरण अनुसार सबै भन्दा धेरै अमेरीकामा मृतकको संख्या एक लाख ५ हजार ५ सय ५१ पुगेको छ । त्यहाँ संक्रमित १८ लाख १६ हजार ६ सय १ पुगेको छ ।
यसै गरी ब्राजिल अमेरीका पछि ठूलो दरमा मृत्यु हुने देशमा उक्लिएके छ । ब्राजिलमा मृतकको संख्या २८ हजार ८ सय ३४ छ भने संक्रमित ४ लाख ९८ हजार ४ सय ४० छ ।
यसै गरी रुसमा ३ लाख ९६ हजार ५ सय ५० संक्रमित छन् भने ४ हजार ५ सय ५५ जनाको मृत्यु भएको छ ।
स्पेनमा कुल २ लाख ८६ हजार ३ सय बढी संक्रमित छन् भने २७ हजार १ सय २५ जनाको मृत्यु भएको छ ।
बेलायतमा ३८ हजार ३ सय ७६ जनाको मृत्यु भएको छ भने २ लाख ७२ हजार ८ सय २६ जना संक्रमित छन् ।
ईटालीमा ३३ हजार ३ सय ४० जनाको मृत्यु भएको छ भने २ लाख ३२ हजार ६ सय २४ जना संक्रमित छन् ।
फ्रान्समा एक लाख ८८ हजार ६ सय २५ संक्रमित छन् भने २८ हजार ७ सय ७१ जनाको मृत्यु भएको छ ।
जर्मनीमा एक लाख ८३ हजार २ सय ९४ जना संक्रमित छन् भने ८ हजार ६ सय जनाको मृत्यु भएको छ ।
भारतमा एक लाख ८१ हजार ८ सय २७ जना संक्रमित छन् भने ५ हजार १ सय ८५ जनाको मृत्यु भएको छ ।
टर्कीमा एक लाख ६३ हजार १ सय ३ जना संक्रमित छन् भने ४ हजार ५ सय १५ जनाको मृत्यु भएको छ ।
