एजेन्सी जेष्ठ १७ । प्रहरीले हिरासतमा रहेका काला नागरिक जर्ज फ्लेईडलाई पासविक तरीकाले घुडाले घाटीमा थिचेर हत्या गरेको भिडियो भाईरल बने पछि शुरु भएको प्रदर्शनले अमेरीकाभर उग्र रुप लिदै गएको छ । आज भएको प्रदर्शनमा प्रहरीले गोली चलाउदा एक १९ वर्षे युवाको मृत्यु भएको सिएनएले जनाएको छ ।
साथै अमेरीकी राष्ट्रपतिको कार्यलय अगाडी समेत संयौ प्रदर्शनकारी जम्मा भएर नाराबाजी गरे पछि कार्यलयको ढोका बन्द गरेर ब्यापक सुरक्षा फौज तैनाथ गरेको खबर छ ।
यस्तै विभिन्न राज्यबाट सयौं प्रदर्शनकारीलाई सुरक्षागार्ड र प्रहरीले नियन्त्रणमा लिएको छ ।
मिनोपोलिसमा कफ्र्यु लगाईए पनि त्यसको उलंघन गर्दै प्रदर्शनकारीहरुले प्रहरीको गाडी जलाएका छन् भने कम्लेक्स लगायतका सार्वजनिक एवं निजी संरचनाहरु जलाएका छन् ।
उनीहरुले जर्जको न्याय माग गर्दै प्रदर्शन उग्र बनाएका छन् । कोरोना संक्रमणले उच्च जोखिम बढीरहेका बेला ठूलो भीड जम्मा भएर आन्दोलनकारी आक्रामक बन्दै गएका छन् । हत्यामा संलग्न प्रहरी अधिकारीलाई ज्यान मुद्धा लगाउनु पर्ने, फाँसी दिनु पर्ने लगायतका माग उनीहरुले राखि रहेका छन् ।
