एजेन्सी जेष्ठ १५ । गत २०१९ मा ३९ जना भियतनामी नागरिकको हत्या गरेर लरीमा शब हिडाउने कार्यमा संलग्न रहेको आरोपमा बेल्जियम र फ्रान्सबाट २६ जना पक्राउ परेका छन् । उनीहरु मध्य १३ जना मोरक्को र १३ जना भियतनामी रहेको बिबिसीले जनाएको छ ।
युरोपेली एजेन्सी फर क्रिमिनल जस्टीस कोअर्डिनेसनका अनुसार क्रस बोर्डर अप्रेसनका रुपमा बेलायत, आयरल्याण्ड, फ्रान्स र बेल्जियममा उक्त अप्रेसनका क्रममा उनीहरु पक्राउ परेका हुन् ।
उनीहरु तस्करहरुको एउटा सञ्जाल भएको र ती नागरिकहरुलाई मार्ने योजना गत अक्टोबरमै बनाएर उनीहरले गरेको हुन सक्ने प्रहरीको अनुमान छ । लरीका ड्राईभर मुरीस रोबिन्सन जेलमा रहेका छन् ।
१० महिला र बच्चा बच्ची समेत गरी ३९ जनालाई लरीमा हालेर निस्सासिएर उनीहरुको मृत्यु भएको बताईएको थियो । २२ अक्टोबर २०१९ मा एक युवतीले सास फेर्न गाह्रो परिरहेको भनेर परिवारलाई सन्देश पठाए पछि यस घटनाको रहस्योद्घाटन भएको थियो । उक्त लरी बेल्जियमबाट बेलायत पुगेको थियो ।
