जेष्ठ ७ एजेन्सी । चीन र भारतबीच सीमामा तनाव बढेको छ । डोकलाम पछि लद्धाख र नाथुलामा झडप गरेको केही दिन पछि दुबै देशले सीमामा सेनाको संख्या निरन्तर थपिरहेको बिबिसीले उल्लेख गरीरहेको छ । लद्धाखको गलवान घाटी र अक्साई चीनमा रहेको सीमा क्षेत्रमा तनाब बढीरहेको छ । गलवान घाटीमा भारतले रक्षा सम्बन्धि गैर कानुनी निर्माण गरीरहेको चीनले दाबी गरेको छ ।
त्यसै गरी भारतले घाटीमा चीनले तैनाथी बढाएको बताएको छ ।
भारतले सुखोई सहित लडाकु विमानबाट समेत सीमामा गस्ती बढाएको छ भने चीनले समेत केही हेलिकप्टरहरुबाट उडान भरेको छ ।
डोकलाममा दुबै देशका सेनाबीच झडप भए पछि यो तनाव बढेको अधिकारीहरुले बताएका छन् । लद्धाख लगायतका सीमा क्षेत्रमा भारत र चीनबीच लामो समयदेखि विवाद रहदै आएको छ । सन् १९६२ मा दुबै देश सीमानाकै लागि युद्ध समेत गरेका थिए जुन युद्धमा भारत पराजीत भएको थियो ।
