बैशाख ३० एजेन्सी । विश्वभर महामारीको रुपमा फैलिएको कोरोना भार्ईरसका कारण दिनहुँ मृतक बढ्दै गएर तीन लाख नजिक पुगेको छ ।
चीनको वुहानमा देखा परे पछि आज सम्म करीब ६ महिनाको अबधिमा भाईरसले दिनै पिच्छे मृत्यु र संक्रमण निम्त्याईरहेको छ ।
कोरोनाले हाल सम्म विश्वमा यो खबर तयार पार्दा सम्म २ लाख ९७ हजार भन्दा धेरै मानिसको मृत्यु भएको छ । यो करीब तीन लाखको नजिक पुगेको छ ।
त्यसै गरी संक्रमित पनि ४४ लाख २२ हजार भन्दा धेरै पुगेका छन् । १६ लाख ५४ हजार मानिस कोरोना ठीक भएर घर फर्कन सफल भएका छन् ।
विश्वमा सबै भन्दा धेरै अमेरीकामा कुल मृत्यु हुनेको संख्या ८३ हजार पार भएको छ भने कुल संक्रमित १४ लाख २७ हजार बढी रहेका छन् ।
बेलायतमा मृतकको संख्या ३३ हजार पार भएको छ । त्याहाँ संक्रमितको संख्या दुई लाख २९ हजार नाघेको छ ।
ईटालीमा मृत्यु हुनेको संख्या ३१ हजार पार भएको छ । त्याहाँ संक्रमितको संख्या २ लाख २२ हजार भन्दा बढी छ ।
स्पेनमा मृतकको संख्या २७ हजार १ सय ४ पुगेको छ भने संक्रमितको संख्या २ लाख ७१ हजार बढी रहेको छ ।
फ्रान्समा मृतकको संख्या २७ हजार ७४ पुगेको छ भने १ लाख ७८ हजार भन्दा बढी संक्रमित छन् ।
रुसमा संक्रमितको संख्या २ लाख ४२ हजार नाघेको छ भने मृतकको संख्या २ हजार २ सय १२ पुगेको छ ।
ब्राजिलमा मृतकको संख्या १३ हजार नाघेको छ भने संक्रमितको संख्या पनि एक लाख ८८ हजार नाघेको छ ।
जर्मननीमा मृतकको संख्या ७ हजार ८ सय ५९ पुगेको छ भने संक्रमित एक लाख ७४ हजार भन्दा बढी छ ।
यसै गरी भारतमा कारोना निरन्तर बढीरहेको छ । भारतमा कुल संक्रमितको संख्या ७८ हजार नाघेको छ भने २ हजार ५ सय ५१ जनाको मृत्यु भएको छ ।
