काठमाण्डौ बैशाख २५ । मलेसियाको अध्यागमन विभागले जनवरी १ तारिखयता आवासीय भिसा समाप्त भएका नेपालीसहित विदेशी कामदारलाई १४ दिनभित्र मलेसिया छाड्न निर्देशन दिएको छ ।
भिसा सकिएका कामदारले आफै टिकट काटेर जान अनुमति दिएको छ । आवागमन नियन्त्रण आदेश (एमओसी) पनि सकिएको १४ दिनभित्र मलेसिया छाड्न निर्देशन जारी गरेको हो ।
फिर्ता हुन चाहनेले कामदारले अध्यागमन विभाग कार्यालयमा थप कागजात वा पास बनाउन आवश्यक नभएको नेपाली दूतावासले जनाएको छ ।
फर्किन नचानेको हकमा भने आवागमन अनुमति पत्र लागू भएको मिति भन्दा अगाडी भिसा सकिएका वा लागू भए पछि भिसा सकिएकाहरुले तीस दिन भित्र निवेदन दिएर भिसा नियमित गर्न सक्ने पनि दुतावासद्धारा जारी विज्ञप्तिमा उल्लेख छ ।
मलेसियाका लागि नेपाली राजदूत उदयराज पाण्डेले डिसेम्बर ३१ भन्दा अगाडि भिसा समाप्त भइसकेका कामदारमाथि कार्बाही गर्ने त्याहाँको सरकारले तयारी गरेको बताए । उनका अनुसार भिसाको म्याद र करार अवधि समाप्त भएर स्वदेश फिर्न चाहनेको संख्या झण्डै ७ हजार छ । दूतावासले यसबारे परराष्ट्र मन्त्रालयलाई जानकारी दिइसकेको छ ।
अब त्याहाँ रहेका सात हजार नेपालीलाई फिर्ता ल्याउन सरकारले अहिले सम्म के तयारी गरेको सार्वजनिक भएको छैन ।
तर अध्ययन गरीरहेको बताउदै आएको छ ।
