एजेन्सी बैशाख २४ । अमेरीकी राष्ट्रपति डोनाल्ड ट्रम्पले कोरोना टास्क फोर्स भंग गर्ने तयारी भएको पुष्टी गरेका छन् ।
ट्रम्पले टास्क फोर्सले आफ्नो भूमिका राम्रोसगँ पुरा गरेको तर अब यसमा केही परिवर्तन गर्ने बताए ।
उपराष्ट्रपति माईक पेन्सले पनि कोरोना टास्क फोर्स आउदो केही हप्तामा अन्त्य गर्ने बताए ।
अमेरीकामा अहिले संक्रमण र मृत्यु दरमा केही कमी आएर दैनिक २० हजार बढी संक्रमित र एक हजार बढीको मृत्यु भईरहेको छ ।
हाल सम्म अमेरीकामा १२ लाख मानिस संक्रमित हुनुका साथै ७० हजार बढीको मृत्यु भईसकेको छ ।
ट्रम्पले टास्क फोर्स अन्त्य पछि पनि कोरोना बिरुद्धको अभियान समाप्त नहुने बताए ।
ट्रम्पले श्वास्थ्य विज्ञ र सल्लाहकारहरुको यो टास्क फोर्स भंग गरेर त्यसमा आफ्नो ज्वाईलाई नियुक्त गर्न खोजेको अमेरीकी सञ्चारमाध्यमहरुको दाबी छ । उनका ज्वाई एक व्यापारी हुन् , जो लकडाउन खोलेर व्यापार शुरु गर्नु पर्छ भन्ने पक्षमा रहदै आएका छन् ।
