एजेन्सी बैशाख ६ । भारत बिहारका मुकेश नाम गरेका एक मजदुरले रोजगारी गुमेर छोराछोरी र श्रीमती पाल्न समस्या भएपछि पीडाले आज आत्महत्या गरेका छन् । लकडाउन पछि दैनिक काम गरेर पैसा ल्याएर गुजारा गर्ने मुकेशले दोश्रो पटक लकडाउन भएपछि भौतारिन शुरु गरेका थिए । दुई दिन अघि मात्र उनले बार हजार भारु पर्ने मोबाइल केवल २५ सय भारुमा बेचे । त्यस पैसा बाट उनले खाने कुरा र एउटा टेबल फ्यान किनेर ल्याए ।
तर साना साना चार छोराछोरी र एउटा श्रीमती दुई दिन पछि के खाने मुकेशले सोच्न सकेका थिएनन् ।
उनले धेरै साथी भाइलाई पैसा सापट मागे कसैले दिएनन् । सरकारले दिने भनेको राहत उनले पाउन सकेनन् । यहि बिरक्तले कपडाको पासो बनाएर घर भित्रै आत्महत्या गरेको आजतकले जनाएको छ ।
मुकेशकी पत्नी पुनमले उनको दाहा सस्कार पनि चन्दा उठाएर छिमेकीको सहयोगमा गरेको भन्दै अब बाच्न गारो भएको बताइन् ।
रोगले भन्दा भोकले मर्ने चिन्ता बढेका मजदुरले दिल्ली र मुम्बईमा लकडाउनकै समयमा प्रदर्सन गरेका थिए । करिब ४० करोड मजदुर कठिन संघर्शमा बाच्नु परेको जनाइएको छ ।
