एजेन्सी बैशाख ५ । पाकिस्तानी जलसेना नेभीसगँ सबै भन्दा घातक र रहस्यमयी पनडुब्बी रहेको खुलासा भएको छ । भारतीय सञ्चार माध्यमा आज प्रकाशित खबर अनुसार यो सबमरिन (पनडुब्बी) सानो तर घातक रहेको दाबी गरेको छ । फोब्र्समा प्रकाशित समाचारलाई आधार बनाएर भारतीय मिडियाहरुले भने यो भारतका लागि खतरा भनेका छन् । समाचार अनुसार यसलाई पाकिस्तानले हाल सम्म गोप्य राखेको थियो ।
भारत र पाकिस्तान परम्परागत दुष्मनको रुपमा रहेका बेला पाकिस्तानको यो घातक हतियार बारे खुलासा भए पछि सञ्चारमाध्यमहरुले भारतका लागि खतरा भनेका छन् ।
यो सबमरिन पास्तिानको कराची स्थित पिएनएस ईकबाल स्पेसल नेवी बेसमा तैनाथ गरिएको छ । यो सबमरिनको नाम एक्स क्राफ्ट हो । यो पनडुब्बीको बारेमा कुनै पनि पुस्तक र दस्तावेजमा प्रकाशित नभएको फोब्र्सले जनाएको छ ।
यसको लम्बाई ५५ फिट र चौडाई करीब ८ फिट सम्म रहेको छ । यसको अप्रेसन पाकिस्तानी विशेष कमाण्डो फोर्स एसएसजीएनले मात्र गर्न पाउछ । यो एक्सक्राफ्ट अमेरीकी नेवी सिल जत्तिकै शक्तिशाली रहेको फोब्र्सको दाबी छ ।
यो पाकिस्तानी सेना आफैले डिजाईन र निर्माण गरेको बताईएको छ ।
