चैत्र २६, काठमाण्डौं । कोरोनाले विश्वव्यापी महामारीको रुपमा फैलिरहँदा खाडी मुलुक, युरोप तथा अमेरीकामा रहेका नेपालीहरु उच्च जोखिममा परेका छन् । अमेरीकामा सबै भन्दा बढी नेपाली प्रभावित बनेका छन् । त्याहाँ २ नेपाली व्यक्तिको मृत्यु भएको त्याहाँ रहने नेपालीहरुले जनाएका छन् । अन्य मृत्यु भएका दुई जनाको भने कोरानाले हो या हैन भन्ने एकीन भएको छैन । अमेरीकामा करीब एक हजार नेपाली संक्रमित भएको अनुमान गरिएको छ ।
यस्तै यूरोपको पोर्चुगल लगायतका मुलुकमा समेत नेपाली संक्रमित भएको समाचार सार्वजनिक भएको छ । साउदी , युएई र कतार, मलेशियामा समेत नेपाली संक्रमित हुन थालेका छन् । खाडीमा ठूलो संख्यामा नेपालीहरु रहेका छन् । यसैबीच कुवेतको स्वास्थ्य मन्त्रालयले थप एक नेपाली कामदार कोरोना भाइरसबाट संक्रमित भएको जनाएको छ । कुवेतमा संक्रमित नेपालीको संख्या तीन पुगेको छ ।
त्याहाँ रहेका नेपालीहरु जोखिमका बीच काम गरीरहेको भन्दै गुनासो गर्दै आएका छन् । यसकाबीच पनि दुतासाले सुरक्षा र उद्धारका लागि खासै पहल नगरेको नेपालीहरुले गुनासो गर्दै आएका छन् ।
