एजेन्सी चैत्र २० । अहिले कोरोनाको सबै भन्दा ठूलो केन्द्र बनेको अमेरीकामा आउने दिनमा अझ धेरै मानिसहरुको मृत्यु दर बढ्ने स्वास्थ्य अधिकारीहरुले चेतावनी दिएका छन् ।
नियमित पत्रकार सम्मेलनमा ह्वाईट हाउसका स्वास्थ्य अधिकारीहरुले प्राजेक्टर मार्फत तथ्याकं पेश गर्दै आउने साताबाट दैनिक दुई हजार सम्म मृत्यु हुन सक्ने चेतावनी दएका छन् ।
अहिले प्रत्यक अढाई मिनट भित्र एक अमेरीकीको मृत्यु भईरहेको छ ।
पछिल्लो २४ घण्टामा मात्रै त्याहाँ एक हजार भन्दा बढीको ज्यान गएर कुल अमेरीकाभरी ५ हजार नाघेको छ । कोरोना संक्रमितको संख्या २ लाख १३ हजार पुगेको जोन हप्किन्स विश्व विद्यालयले जनाएको छ ।
अमेरीकी राष्ट्रपति डोनाल्ड ट्रम्पले अदृष्य शत्रु कोरोना भाईरसबाट अमेरीकाले अझै केही साता पीडा ब्यहोर्नु पर्ने बताएका थिए ।
अमेरीकाको पनि न्यूयोर्क सबै भन्दा कठिन मोडमा पुगेको छ । अधिकारीहरुले न्यूयोर्कमा सेप्टेम्बर ११ को ट्वीन टावर विष्फोट पछिकै सबै भन्दा ठूलो मानवीय विपत्ती देखिएको बताएका छन् ।
यसैबीच ह्वाईटहाउसका स्वास्थ्य विज्ञ एवं कोरोना भाईरस टास्क फोर्सका सदस्य डा एन्टोनी फोसीमाथि ज्यानको धम्की आएको र उनको सुरक्षा बढाईएको सिएनएनले जनाएको छ ।
धम्की को बाट र कसरी आएको हो एकीन नभए पनि उनको घरमा प्रहरीहरु बाक्लो मात्रामा तैनाथ गरिएको वासिग्टन पोष्टले समाचार लेखेको छ ।
उनले केही दिन अघि सिएनएनसगँ कुरा गर्दै अमेरीकामा एकलाख देखि दुई लाख सम्म मानिसको कोरोनाले ज्यान लिन सक्ने चेतावनी दिएका थिए ।
