एजेन्सी चैत्र १९ । विश्वमा असाधारण चुनौतीको रुपमा देखा परेको कोरोनाले थप भयाबह रुप लिदै गएको छ । पछिल्लो २४ घण्टामा ३ हजार भन्दा बढी मािनसको मृत्यु भएको छ । यो सगैँ विश्वभर मृत्यु हुनेको संख्या ४० हजार माथि पुगेको छ । साथै प्रभावित हुनेको संख्या ८ लाख २० हजार पुगेको छ । यो सगँै एक लाख ७४ हजार बिरामी निको भएको समेत जोन हप्किन्स विश्वविद्यालयले जनाएको छ ।
आज एकै दिन ईटालीमा ८ सय ३७ जनाको मृत्यु भयो । कुल ईटालीमा मर्नेको संख्या १२ हजार ४ सय २८ पुगेको छ । यो विश्वमै सबै भन्दा धेरै हो ।
त्यस पछि दोस्रोमा रहेको स्पेनमा पछिल्लो २४ घण्टामा ९ सय १३ जनाको ज्यान गएको छ । यो सगँै स्पेनमा मर्नेको संख्या ८ हजार एक सय ८९ पुगेको छ ।
ईटाली र स्पेनपछि फ्रान्समा कोरोनाले उग्र रुप लिदै गएको छ । जहाँ पछिल्लो २४ घण्टामा ६ सय ९९ जनाको मृत्यु भएको छ । यो अहिले सम्मकै धेरै हो फ्रान्समा ।
यसै गरी बेलायतमा एकै दिन सबै भन्दा धेरै ३ सय ८१ जनाको मृत्यु भएको छ । कुलमा १८ सयको हाराहारीमा मृत्यु भएको छ ।
यस्तै अमेरीकाको न्यूयोर्कमा मात्रै एकै दिन झण्डै ३ सयको मृत्यु भएको छ । न्यूयोर्कमा मात्रै १७ सय बढीको मृत्यु भएको छ । त्यहाका गभर्नर एन्ड्रीउ क्यूमोले भाईरस सोचे भन्दा पनि खतरनाक देखिएको भन्दै गंभीर चिन्ता व्यक्त गरेका छन् । अमेरीकामा मृत्यु हुनेको संख्या चीनमा भन्दा बढी हुन पुगेको छ । मृत्यु संख्यामा अमेरीका अब ईटाली र स्पेन पछि तेस्रो नंम्वरमा पुगेको छ ।
अमेरीकामा मृत्यु हुनेको संख्या कुलमा ३४ सय माथि पुगेको छ र चीनलाई उछिनेको छ । साथै ंसंक्रमितको संख्या एक लाख ७५ हजार पुगेको छ । जस मध्य ७५ हजार न्यूयोर्कमा मात्रै छ ।
कोरोना भाईरसले विश्वभर संक्रमितको संख्या ८ लाख २० हजार विश्व श्वास्थ्य संगठनले जनाएको छ । यस मध्य एक लाख ७४ हजार निको भएका छन् ।
