एजेन्सी चैत्र ११ । विश्वभर महामारीको रुपमा फैलिरहेको कोरोना भाईरसका कारण मृत्यु हुनेको संख्या १६ हजार ३ सय १३ पुगेको छ । सबै भन्दा धेरै ईटालीमा सोमबार ६ सय ३ को मृत्यु भएको छ । त्यस्तै स्पेनमा एकै दिन चार सय बढीको मृत्यु भयो भने अमेरीकामा एक सय भन्दा बढीको ज्यान गएको छ । ईटालीमा विश्वमै धेरै ६ हजार ७७ पुगेको छ । स्पेनमा २ हजार नाघेको छ । अमेरीकामा मृतकको संख्या ५ सय २० पुगेको छ । बेलायतमा एकै दिन ५४ जना सहित ३ सय ३५ पुगेको छ । पछिल्लो २४ घण्टामा एकै दिन १६ सयको मृत्यु र २६ हजार बढी नयाँ संक्रमित देखा परेको विश्व श्वास्थ्य संगठनले जनाएको छ ।
विश्वभर करीब ३ लाख ७७ हजार संक्रमित देखा परेका छन् । त्यस मध्य सकारात्मक पाटो करीब एक लाख संक्रमितहरु निको समेत भएका छन् ।
यसैबीच अमेरीकामा संक्रमित र मृत्यु हुनेको संख्यामा बृद्धि भएको र त्यसमा पनि १८ देखि ४९ बर्ष भित्रका धेरै मानिसको ज्यान जान थाले पछि श्वास्थ्य अधिकारीहरुले चिन्ता जनाएका छन् । अरु देशमा बृद्धाहरुको संख्या बढी छ मृत्यु हुनेमा तर अमेरीकामा युवाहरु । यो उल्टो देखिए पछि श्वास्थ्य अधिकारीहरु चिन्तित बनेका हुन् ।
विश्वका अरबौं मानिसहरुलाई घरमा बस्न अपील गरिएको छ । कफ्र्यु , लक डाउन, जस्ता आव्हान मार्फत मानिसहरुको सामाजिक दुरी निर्माण भएको छ ।
