एजेन्सी, ९ चैत । इरानका सर्वोच्च नेता अयातोल्लाह अली खमेनीले कोरोना भाइरसविरुद्ध लड्न इरानलाई अमेरिकाले दिने भनेको सहयोग अस्वीकार गरेका छन् । अमेरिकाले इरानलाई तेल वितरणमा लगाएको प्रतिबन्धलगत्तै उनले कोरोना भाइरसको महामारीलाई ‘षड्यन्त्रको सिद्धान्त’ भन्दै अमेरिकी सहयोग अस्वीकार गरेका हुन् ।
इरानी अधिकारीहरुले पनि उक्त प्रतिबन्धलाई लिएर अमेरिकाको आलोचना गर्दैआएका छन् ।
खमेनीले चिनियाँ अधिकारीहरुलाई पनि कोरोना भाइरसबारे षड्यन्त्रको सिद्धान्त लागु गरेको आरोप लगाउदैँ खमेनीले भनेका छन्, ‘सम्भवतः तिम्रो औषधि भाइरसलाई फैलाउने एउटा उपाय हो । अथवा यदी तिमी थेरापिस्ट र डाक्टरलाई पठायौ भने सायद उसले विषको असर देख्न चाहन्छ,’
यसअघि चिनियाँ सरकारका प्रवक्ता लिजिआन झाओले ट्वीट गर्दै अमेरिकी सेनालाई भाइरस फैलाएको आरोप लगाएका थिए ।
यसवाहेक अमेरिकी एक सिनेटरले समेत कोरोना भाइरसलाई चिनियाँ मानव निर्मित ‘जैवीक हतियार’को रुपमा व्याख्या गरेका थिए । इरानमा नेता खमेनीले आइतबार लाइभ टेलिभिजन कार्यक्रमका बेला अमेरिकामाथि आरोप लगाएका हुन् ।
इरानमै भने कोरोना भाइरसका कारण २० हजार ६ सय संक्रमित भेटिएका छन् । साथै १ हजार ५ सय ५६ को मृत्यु भइसकेको छ । इरान पनि कोरोनाबाट सबैभन्दा बढी प्रभावित मुलुकमध्ये एक हो ।
