एजेन्सी चैत्र ९ । चाईनिज भाईरस, वुहान भाईरस भनेर अमेरीकाले विरोध गरीरहे पनि चीनले भने अेमरीकालाई कोरोना नियन्त्रणका लागि सहयोग पुर्याउन सक्ने प्रस्ताव गरेको छ ।
यदी अमेरीकाले माग गरेमा चीनले न्यूयोर्क , फ्लोरिडा, क्यालिफोर्निया लगायतका शहरमा देखा परेको कोरोना प्रभाव नियन्त्रणका लागि सहयोग पुर्याउने जनाएको छ ।
अमेरीकाबाटै जनस्तरमा चीनको मेडिकल उपकरण, क्वारेन्टाईन अनुभव आदि सहयोग लिनु पर्छ भन्ने आवाज उठेको बताईन्छ । यद्यपि, अमेरीकाले आधिकारीक रुपमा भने त्यस्तो माग गरेको छैन । स्थानीय सरकार र नागरिक स्तरमा भने भिडियो कन्फेरेन्स आदि मार्फत सहयोग आदान प्रदान बारे कुरा भईरहेको बताईएको छ ।
कोरोना संक्रमणबाट तग्रिएको चीनले विश्वभर मेडिकल उपकरण र स्वयसेवक पठाउन शुरु गरेको छ ।
कुटनीतिक र राजनीतिक स्तरमा चीनको बिरोध गरे पनि प्राविधिक हिशाबले मेडिकल सप्लाईमा केही हद सम्म चीनमा निर्भर रहनु पर्ने बाध्यता अमेरीकामा देखीएको छ ।
