एजेन्सी चैत्र २ । विश्वव्यापी महामारीको रुपमा बढ्दै गएको कोरोना भाईरसले भारत, पाकिस्तान सहितका मुलुकलाई पनि त्रासदीको संघारमा धकेलिदिएका बेला भारतीय प्रधानमन्त्री नरेन्द्र मोदीको पहलमा आज साझँ सार्क नेताहरुले भिडियो कन्फेरेन्स सम्मेलन गरेका छन् । जसमा पाकिस्तानी प्रधानमन्त्री ईमरान खान खै देखिएन भनेर सामाजिक सञ्जालमा प्रतिकृयाहरु आएको छ । पाकिस्तान बाहेक अन्य सबै देशका कार्यकारी राष्ट्र प्रमुखहरुले संवोधन गरेका थिए ।
दिनभर ईमरान आउने चर्चा भए पनि अन्ततः खानले भिडियोमा बोल्न श्वास्थ्य मन्त्री जफर मिर्जालाई पठाए । भारतकै कारण विगतमा सार्क सम्मेलन र बैठकहरु रोकिएको, कास्मिरलाई भारतमा गाभेर धारा ३७० खारेज गरिएको दिल्लीमा मुसलमानमाथि नरसंहार गरिएको भन्दै मोदीसगँ ईमरानले प्रत्यक्ष वार्ता गर्न नचाहेको बताईएको छ ।
यसैबीच पाकिस्तानी श्वास्थ्य मन्त्री मिर्जाले कास्मीरमा सबै खाले प्रतिवन्ध हटाउनु पर्ने माग गरे । उनले कास्मीरमा पनि कोरोनाको संक्रमण देखा परेको भन्दै यो मुद्धा उठाएका हुन् ।
