फागुण २७ एजेन्सी । युरोपेली मुलुक ईटलीमा कोरोनाले उग्र रुप लिदै गएको छ । उसले तीव्र गतिमा काम गरीरहेको जनाए पनि त्याँहा पछिल्लो २४ घण्टामा थप ९७ जनाको मृत्यु भएको छ । यो सगैं त्यस देशमा कोरोनाका कारण मृत्यु हुनेको संख्या ४ सय ६३ पुगेको छ । त्यसैगरी संक्रमितको संख्या पनि बढेर ९ हजार पुगेको छ । एक करोड ६० लाख मान्छेलाई घरबाट ननिस्कन र हिडडुल नगर्न भनेर भनिए पनि कोरोनाको प्रभाव घटेको छैन ।
ईटाली सरकारले देशको सबै जनतालाई घरैमा बस्न अपील गरेको छ । करीब ६ करोड मानिसलाई घरैमा बस्न अपील गरेको हो । प्रधानमन्त्री गुईसेपे कोन्टेले घरैमा बस्न र आधारभुत भ्रमण गर्नु परेमा सरकारको अनुमति लिन निर्देशन दिएका छन् ।
विमानस्थलमा कडाई, स्कुल कलेज बन्द, कारखाना बन्द , फुटबल सहित सबै खेलकुद बन्द गरिएको छ । सबैको सहकार्यबाट मात्रै कोरोनाको सामना गर्न सकिने कोन्टेले बताएका छन् । चीन पछि सबै भन्दा धेरै मृत्यु हुने देश ईटाली बनेको छ ।
