काठमाडौं १९ जेठ, ।
नेपाली कांग्रेसका नेता प्रकाशमान सिंहले वर्तमान राजनीतिक चुनौतिलाई सामना गर्न नसके कांग्रेसको गौरवपूर्ण इतिहास समाप्त हुने चेतावनी दिनुभएको छ ।
काठमाडौं क्षेत्रनम्बर १ को क्षेत्रीय भेलालाई आज बिहान सम्बोधन गर्दै नेता सिंहले कांग्रेसलाई जोगाइराख्न नेता, कार्यकर्ता सबैले मेहनत गर्नुपर्नेमा जोड दिनुभएको छ ।
मुलुकमा ठूला राजनीतिक परिवर्तन कांग्रेसकै नेतृत्वमा भएको दावी गर्दै उहाले अब आर्थिक समृद्धिको अभियानको नेतृत्व पनि कांग्रेसले नै गर्नुपर्ने बताउनु भएको हो ।
कम्युनिस्टको सामना गर्नका लागि हरेक निर्वाचन क्षेत्रमा, आम जनतासँग जोडिएर उनीहरुका समस्या समाधान गर्न लाग्न उहाले कार्यकर्ताहरुलाई निर्देशन समेत दिनुभएको छ ।
साथै उहाले कम्युनिष्ट पार्टीले प्रजातन्त्रलाई कमजोर र संविधानको मूल मर्म साथै भावनालाई कमजोर बनाएर जान थाल्ने हो भने कांग्रेस चुप लागेर नबस्ने चेतावनी दिनुभएको छ ।
