काठमाडौं, जेठ १९ ।
पूर्वप्रधानमन्त्री तथा नेपाल कम्युनिष्ट पार्टी (नेकपा) का वरिष्ठ नेता झलनाथ खनालले कम्युनिष्ट पार्टीको इतिहासमा आफ्नो योगदानलाई अवमूल्यन गर्ने अधिकार कसैसँग नभएको प्रष्ट पार्नुभएको छ ।
चीनमा भएको काल्र्समाक्र्स सम्मेलनमा भाग लिएर आज स्वदेश फर्किएका खनालले त्रिभुवन अन्तर्रा्ष्ट्रिय विमानस्थलमा संचारकर्मीहरुसँग कुरा गर्दै पार्टी एकतामा आफ्नो भूमिका महत्वपूर्ण रहेको दाबी समेत गर्नुभएको छ ।
वरियताको क्रममा चरम असन्तुष्टि व्यक्त गर्दै उहाले आफ्नो बरियता तोक्ने अधिकार कसैसँग नभएको भन्दै आफू दोस्रो वरियतामै रहेको जिकिर गर्नुभएको छ ।
वरियताका विषयमा पार्टी्भित्र रहेर संघर्ष गर्ने भन्दै खनालले कम्युनिष्ट पार्टीलाई एकताबद्ध बनाएर लैजाने प्रष्ट पारे । आफ्नो वरीयता तोक्नेहरु कम्युनिष्ट सिद्धान्त र आदर्श नबुझ्नेहरु भएको उहाको टिप्पणी थियो ।
खनालले कम्युनिष्ट सिद्धान्त र आदर्श बुझ्नका लागि गहन चिन्तन आवश्यक भएको भन्दै त्यसमा लाग्न सुझावसमेत दिनुभएको छ । खनालले आफू अस्वस्थ भएका कारण चीनमा रहँदा स्वास्थ्य परीक्षणसमेत गरेर आएको बताउनु भयो ।
