धनुषा, जेष्ठ १३ ।
पुनर्गठित नेपाल कम्युनिष्ट पार्टी अण्डरलाईनले प्रदेश नम्बर २ सरकारलाई दिएको समर्थन फिर्ता लिएको छ ।
प्रदेश नम्बर २ सरकारलाई विश्वासको मत दिएका तत्कालीन एमाले र माओवादी केन्द्रले आज समर्थन फिर्ता लिएका हुन् ।
सरकारको सय दिनको उपलब्धी शून्य रहेको र प्रतिपक्षीको मानमर्दन गरेको भन्दै उनीहरुले समर्थन फिर्ता लिएका हुन् ।
एमालेले संसदीय दलका नेता सत्यनारायण मण्डलले वर्षे अधिवेशनको पहिलो बैठकमा बोल्दै संसद अवरुद्ध गरेका छन् ।
माओवादी केन्द्रका संसदीय दलका नेता रामचन्द्र मण्डलले पनि सरकारलाई दिएको विश्वासको मत फिर्ता लिएको बताउनुभयो ।
सरकार भ्रष्टचारमा लिप्त भएको र भ्रष्टचारको भागी आफूहरु नबन्ने भन्दै समर्थन फिर्ता लिएको उहाँले बताउनुभयो ।
एक सय ७ सदस्य रहेको प्रदेशसभामा एमालेका २१, कांग्रेसका १९ र माओवादी केन्द्रका ११ सांसद रहेका छन् । गत जेठ ३ गते कांग्रेसलाई प्रमुख विपक्षी दलको रुपमा मान्यता दिएपछि एमाले र माओवादी केन्द्रले निर्णयको विरोध गरेका छन् ।
