काठमाडौ, ७ जेठ ।
पुनर्गठित नेपाल कम्युनिष्ट पार्टी अण्डरलाईनले आज केन्द्रिय सदस्यहरुको नाम टुङ्गो लगाएर निर्वाचन आयोगमा बुझाउने तयारी गरेको छ ।
तत्कालिन एमाले र माओवादी केन्द्रले भागभण्डाका आधारमा आ आफ्नो भागमा परेको सदस्यको नामावली तयार गरी आज आयोगमा केन्द्रिय समिति सदस्यको नाम बुझाउने तयारी गरेको हो ।
आयोगले नवगठित पार्टीसँग केन्द्रिय समितिमा रहने नेताको नामवली पठाउन ताकेता गरेपछि नेकपाले केन्द्रिय कमिटीको नाम आज आयोगमा बुझाउन लागेको हो ।
पार्टी एकताका क्रममा भएको सहमति अनुसार एमालेको भागमा २ सय ४१ सदस्य संख्या परेको छ भने माओवादी केन्द्रको भागमा २ सय सदस्य परेको छ ।
एमालेले आफ्नो भागमा परेको केन्द्रिय सदस्यको नामवली टुङ्गो लगाइसकेको बताएपनि आकाक्षी धेरै भएका कारण माओवादी केन्द्रले सदस्यको नामवली टुङ्गो लगाउन सकेको छैन ।
माओवादी केन्द्रभित्र सदस्यको टुङ्गो लगाउने जिम अध्यक्ष पुष्पकमल दाहाललाई दिएको छ । आज थप छलफल गरी सदस्यको नाम टुङ्गो लगाएर बुझाउने दाहालको तयारी रहेको नेताहरुले बताएका छन् ।
