काठमाडौं जेठ २ ।
नेकपा एमालेका अध्यक्ष तथा प्रधानमन्त्री केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डबीच पार्टी एकतालाई गति दिने बिषयमा छलफल भएको छ ।
राजधानीको बालुवाटारस्थित प्रधानमन्त्रीको सरकारी निवासमा आज बिहान बसेको बैठकमा ओली र प्रभण्डबीच पार्टी एकता संयोजन समितिको बैठक बसेर आवश्यक निर्णय गर्ने सहमती भएके छ ।
त्यसका लागि भोली बिहान १० बजे एकता संयोजन समितिको बैठक बोलाउने सहमति गरेको प्रचण्डका प्रेस संयोजक विष्णु सापकोटाले जनाकारी दिनुभयो ।
उहाँका अनुसार दुई अध्यक्षबीच आज पछिल्लो समय देखिएका असमझदारी अन्त्य गर्दै एकतालाई टुंगोमा र्पुयाउने बिषयमा गहन छलफल भएके थियो ।
२ दलबीच चाँडै एकता गर्ने सहमति भएपनि शीर्ष तहमा ठोस सहमती बन्न नसक्दा दुई पार्टीको एकता लम्बिदै गएको छ । यसबीचमा माओबादी केन्द्रका अध्यक्ष पुष्पकमल दाहालले एमाले र आफ्नै पार्टीका दोस्रो तहका नेताहरुसँग छलफल गर्नुभएको थियो ।
दुबै पार्टीका दोस्रो तहका नेताहरुले आपसी असमझदारीलाई स्पष्ट राख्दै एकता प्रक्रियालाई निष्कर्षमा र्पुयाउन नेतृत्वमाथी दबाब दिईरहेका छन् ।
