काठमाडौं वैशाख १७ ।
प्रधानमन्त्री केपी शर्मा ओलीले बुद्धजन्मस्थल लुम्बिनीलाई धार्मिक पर्यटनको केन्द्र बनाउने प्रतिबद्धता व्यक्त गर्नुभएको छ ।
बुद्ध जन्मस्थल लुम्बिनीमा रहेको मायादेवी मन्दिरको आज बिहान अवलोकनपछि प्रधानमन्त्री ओलीले यस्तो प्रतिबद्धता व्यक्त गर्नुभएको हो । नेपालमा धार्मिक पर्यटनको प्रचुर सम्भावना रहेपनि ओझेलमा परेको भन्दै प्रधानमन्त्री ओलीले लुम्बिनीको बिकासकालागी सरकारले कुनै कसर बाँकी नराख्ने उल्लेख गर्नुभयो ।
अन्तर्रा्ष्ट्रिय क्षेत्रमा प्रचार प्रसार नपुगेको कारण बाह्य पर्यटकको संख्यामा कमी आएको भन्दै उहाँले अन्तर्रा्ष्ट्रिय स्तरमा यसको प्रचार प्रसार र प्रर्बद्धनलाई सरकारले प्राथमिकतामा राख्ने उल्लेख गर्नुभयो ।
अन्तर्रा्ष्ट्रिय बौद्ध सम्मेलनमा सहभागी हुन हिजो लुम्बीनी पुग्नुभएका प्रधानमन्त्री ओलीले आज बिहान बिभिन्न सम्पदाको अबलोकन समेत गर्नुभएको थियो ।
