काठमाडौँ , १२ वैशाख ।
नेपाल कम्युनिस्ट पार्टी उपत्यका बिशेष ब्युरोले प्रहरीले आफ्नो पार्टीका नेता कार्यकर्तामाथि दमन गरेको भन्दै त्यसको विरोध तथा भत्र्सना गरेको छ ।
उपत्यका बिशेष ब्यूरोका इन्चार्ज प्रज्वलले बुधबार प्रेस विज्ञप्ति जारी गरी सरकारले गैर न्यायीक तरिकाले धरपकट एवं राज्य आतंक मच्चाएको बताएका छन् ।
विज्ञप्तिमा घरमा बसिरहेका, बाटोमा हिडिरहेका, व्यक्तिगत काम गरिरहेकाहरुलाई पनि प्रहरीले आस्थाकै आधारमा पक्राउ गरेको उल्लेख छ ।
यस्तै प्रहरीले नेकपाका नेता कार्यकर्ताहरुको घरहरुमा छापा मार्ने मात्र नभई उनीहरुका आफनन्तजनहरुका घरहरुमा समेत छापा मार्ने आतंकित पार्ने र दुःख दिने गरेको पनि विज्ञप्तिमा उल्लेख छ ।
प्रहरी प्रशासनलाई उक्त हर्कत बन्द गर्न आग्रह गर्दै आफ्ना पक्राउ गरिएका नेता–कार्यकर्ता बिनाशर्त रिहाई गर्न माग गरिएको छ । अन्यथा आफ्नो पार्टी शसक्त प्रतिरोधमा उत्रने चेतावनी पनि विज्ञप्तिमा दिइएको छ ।
विज्ञप्तीको पूर्ण पाठ
