काठमाडौंः एनआरएनए अमेरिकाका क्षेत्रिय संयोजक सोनम लामाले संसारभरिका आप्रवासी नेपालीलाई एउटै मालामा उन्ने प्रतिवद्धता सहित गैर आवसीय नेपाली संघको आसन्न निर्वाचनमा उपाध्यक्ष पद्का लागि उम्मेद्वारी दिनु भएको छ ।
प्रजातान्त्रिक वैचारिक धारबाट अघि बढ्नु भएको उहाँले नेपाल र नेपालीको विकास र समृद्धीका लागि आफूले उपाध्यक्ष पद्मा उम्मेद्वारी दिएको बताउनु भयो । संसारभरि छरिएर रहेका आप्रवासी नेपालीहरूलाई एउटै साझा मालामा उनेर देश विकासमा लाग्ने प्रतिवद्धता उहाँले गर्नु भएको छ ।
सन् २००८ मा अमेरिकी एनआरएनमा आवद्ध हुनु भएकोले उहाँले अमेरिकास्थित विभिन्न सामाजिक संस्थामा रहेर कार्य सम्पादन गर्नु भएको छ । सन् २००९ मा आईसीसीको सदस्य बनेर कार्यभार सम्हाल्नु भएको उहाँले विश्वभरि छरिएर रहेको लगानीलाई एकत्रित गर्ने बताउनु भयो ।
‘संसारभरि छरिएर रहेको नेपालीको सेवा गर्न तथा नेपालमा नयाँ सीप, प्रविधि र लगानी भित्र्याउन मैले पहल गर्ने छु,’ उहाँले भन्नु भयो ‘यहाँहरूले मलाई विजय गराउनु भयो भने हाल एनआरएनमा देखिएका समस्या समाधान गर्न लागि पर्ने छु ।’ यसले आफूलाई नेपालीहरूको सेवा गर्ने सुअवसर लिएको बताउँदै उहाँले भन्नु भयो ‘हामी नेपाली जहाँ गएपनि वा जहाँ कर्मथलो बनाएपनि हाम्रा लागि मातृभूमीभन्दा प्यारो अन्य नहुने बताउनु भयो ।
लामो समयदेखि सक्रिय र जुझारु समाजसेवीका रुपमा स्थापित भइसक्नु भएको लामाले देशको आर्थिक, समाजिक तथा सांस्कृतिक विकासको लागि एनआरएनको तर्फबाट कुनै कसुर नछाड्ने बताउनु भयो । देशमा रहेका धार्मिक तथा ऐतिहासिक सम्पदा संरक्षणदेखि यहाँका स्रोतहरूको परिचालन गरि देशभित्रै रोजगारी सिर्जना गर्ने उहाँको प्रतिवद्धता छ ।
शिक्षा, स्वास्थ्य नपुगेका नेपालीमाझ एनआरएनका सहयोगी हातहरू सधै अगाडि बढ्ने छन्, उहाँले भन्नु भयो ‘सामाजिक भावनाले सिर्जित लामा विभिन्न संघ संस्थामाफर्त सामाजिक गतिविधिमा होमिनु हो ।
