काठमाडौं, १२ कार्तिक । हरेक वर्षझैं पासा पुचः गुठी साउथ इस्ट लन्डनले ३१ अक्टोबरका दिन विभिन्न साँस्कृतिक कार्यक्रम सहित नेपाल सम्वत ११३७ र म्हपुजा कार्यक्रम आयोजना गर्ने भएको छ ।
लन्डनमा रहेका विभिन्न नेपाली संघ संस्थाका प्रतिनिधि, स्थानीय काउन्सील तथा नेपाली एम्बेसी यूकेका प्रतिनिधिहरुको सहभागिता रहने उक्त कार्यक्रममा बेलायतको बिभिन्न स्थानबाट झण्डै ४ सयको उपस्थिति रहने आयोजकद्वारा जानकारी दिइएको छ ।
उक्त कार्यक्रमका संयोजक सचिन श्रेष्ठ, सांस्कृतिक कार्यक्रमको संयोजकमा बिनोद चिपालु र अशोक अवाल रहेका छन् । ५ बजे देखि १० बजेसम्म गरिने उक्त कार्यक्रममा एकै साथ सयौं जनाले सामुहिक म्हःपुजा गरिने संस्थाका अध्यक्ष सुशील प्रजापतिले जानकारी दिएका छन् ।
कार्यक्रममा म्हःपुजाका साथै झाँकी प्रदर्शन, पालुकिसी, कुमारी यात्रा, मन्जुश्री नाच, पन्चकन्या, धिमेबाजा सहितको रथजात्रा, भैरव गुन, लाखे नाच, भैरव नाच, ख्याक नाच रहेका छन् । जसमा भैरव नाचमा अशोक अवाल, सत्य प्रसाद प्रजापति, आशिष श्रेष्ठ, आयुष श्रेष्ठ, इरभिन श्रेष्ठ, मन्देश श्रेष्ठ, लाखेनाचमा विनोद चिपालु, मन्जुश्री नाच बिमला मर्हजन, ज्यापु प्याखन नाच बिमला मर्हजन, विन्दु हाडा सहितको ग्रुपमा सलोनी रन्जितकार, विभिया श्रेष्ठ, अरिशा श्रेष्ठ, नेवारी गीत सत्य प्रसाद प्रजापति तथा अन्तिममा डिजेलालसँग खुला डान्स समेत रहेको छ ।
