भदौ ३० जापान । एनआरएन कान्टोले उच्च शिक्षाका लगि जापान आएर आफ्नो पढाई पूरा गरि हाल बिभिन्न जापानिज कम्पनीहरुमा कार्यरत नेपालीहरुसंग जापानको विद्यार्थी जीवन, चुनौती, अवसरको बारेमा छलफल र उहाँहरुको अनुभव सुन्ने र सुनाउने कार्यक्रमको आयोजना गर्ने भएको छ ।
यही आँउदो अक्टोबर २३ तारिख आईवार आयोजना गरिने उक्त कार्यक्रममा बिभिन्न भाषा स्कूल, व्यावसायिक स्कूल, क्याम्पस तथा बिश्व बिद्यालयमा अध्ययनरत नेपाली विद्यार्थीहरुले आगामी दिनहरुमा कस्ता योजनाहरु बनाएर अघि बढे सफल हुन सकिन्छ भन्ने बिषयमा केन्द्रित रहने आयोजकको भनाई छ ।
उक्त अन्तरकृया कार्यक्रमको उदेश्य भनेको नेपाली विद्यार्थीहरुले जापानका भाषा स्कूल, व्यावसायिक स्कूल, क्याम्पस तथा बिश्वबिद्यालयहरु बाट आफ्नो पढाई पूरा गरेपछि के गर्ने भन्ने बारेमा बाटो देखाउने र सुझाव दिनु रहेको आयोजकको भनाई छ ।
हाल जापानका बिभिन्न भाषा स्कूल, व्यावसायिक स्कूल, क्याम्पस तथा बिश्वबिद्यालयहरुमा अध्ययनरत नेपाली विद्यार्थीहरुलाई उक्त अन्तरकृया कार्यक्रममा सहभागि बनि अग्रजहरुबाट उहाँहरुले भोगेका, देखेका, गरेका र सिकेका महत्वपूर्ण कुराहरुको ज्ञान ज्ञान आदान प्रदानका लागि सहभागी हुन एनआरएन कान्टोका पदाधीकारीहरुले अनुरोध गरेका छन् ।
