वैशाख ।
कुबेतस्थित एमाओवादी निकट संगठन नेपाली जनप्रगतिशील मञ्चका अध्यक्ष धावा थोक्करलाई कुटपिट गरेको प्रति आपत्ति प्रकट गर्दै दोषीलाई कारबाही गर्न माग गरेको छ । बिभिन्न राजनैतिक दलसँग आबद्ध नेपाली जनसम्र्पक समिति, प्रबासी नेपाली मञ्च, जनप्रगतिशील मञ्च, अन्तराष्ट्रिय नेपाली समाज, एकता समाजले संयुक्त बिज्ञप्ती जारी गर्दै दोषीलाई कारबाही गर्न नेपाली दुतााबास समक्ष माग गरेको हो ।
पीडक थोक्करले आफुलाई कुटपीट गर्नेलाई कारबाही गर्न स्थानीय प्रहरी कार्यालयमा उजुरी समेत दिएका छन् । थोक्करलाई कुबेतको मङ्गाफ स्थित बल्क नम्बर तीनमा एक नेपाली युबा टोलीले साङ्घातिक आक्रमण गरेको मञ्चले जनाएको छ । मञ्चका अनुसार ती युबाहरु ‘हप्ता असुली’मा गरेर कुबेतमा नेपाली समुदायमा त्रसित पार्दै आएको समूह भएको जनाएको छ ।
आक्रमणबाट थोक्करको शरीरको बिभिन्न भागमा गहिरो चोट लागेको छ । ती युबाले माग गरेको रकम नदिएको निहुँमा भेट्न पनि बोलाई आक्रमण गरेको मञ्चले जनाएको छ । कुबेतमा पछिल्लो समय नेपाली समुदायमा आपराधिक क्रियाकलाप बढ्दै गएको दुताबासले गर्न हुने र गर्न नहुने कार्य भन्दै सचेतना जगाउन थालेको छ ।
यसअघि एक कार्यक्रममा युबाहरु बीच खुकुरी हाना हान भएको थियो । कुबेत सरकारले नेपाली समुदायको गतिबिधिको बारे दुताबाससमक्ष चासो जनाइसकेको छ ।
