साउदी अरब, २९ माघ ।
हृदयघातका कारण तीन महिनाअघि साउदी अरबमा ज्यान गुमाएका पर्वत थानामौला–२ का २५ वर्षीय सुनिल नेपालीको परिवारलाई साउदीका नेपालीले रु चार लाख नगद सहयोग गरेका छन् ।
उनी कार्यरत ‘ओल्यान डिस्कोन’ कम्पनीमा रहेका नेपालीले रकम सङ्कलन गरेर रु १४ हजार २६४ साउदी रियल अर्थात् रु चार लाख ७४२ आर्थिक सहयोग गरेका हुन् ।
सङ्कलित रकम सुनिलकी आमा मैताकुमारीको नाममा रु दुई लाख ३७१ र उनकी श्रीमती यममायाको नाममा रु दुई लाख ३७१ गरी दुबै जनालाई बराबर रकम पठाइएको भोजकुमार कार्कीले जानकारी दिनुभयो ।
नेपालीको परिवारको आर्थिक अवस्था नाजुक रहेको र आम्दानीको स्रोत समेत केही नभएका कारण परिवारको लालनपालनमा सहयोग पुगोस् भन्ने उद्देश्यले रकम सङ्कलन गरी पठाइएको कार्कीले बताउनुभयो ।
उनको साउदी आएको दुई महिना नबित्दै गत कात्तिकमा सुतेकै अवस्थामा ओछ््यानमै मृत्यु भएको थियो ।
