ओमान।
ओमानमा बैचारिक रुपले आस्थावान चार क्रियाशील संघ संगठनहरुको एक भेलाले प्रवासमा कार्यरत नेपालीहरुबीच आइपर्ने समस्याहरु समाधानमा सहज वाताबरण तयार पार्ने उद्देश्य राखी संयुक्त बैचारिक संयन्त्र गठन गरिएको छ ।
सो संयुक्त भेलाद्वारा शोभाकान्त लामिछानेको संयोजकत्वमा प्रत्येक चार संघ संगठनहरुको दुई दुई जना प्रतिनिधि रहने गरी संयन्त्र गठन गरिएको छ ।
गठित सो समितिमा प्रवासी नेपाली मञ्च ओमानका तर्फबाट गगन कार्की र लिलानाथ कोइराला, जनप्रगतिशील मञ्च ओमानका तर्फबाट पदम् प्रसाद अर्याल र तुला गिरी, ओमान नेपाली एकता समाजका तर्फबाट छबिलाल बस्नेत र जी.बी. लामा तथा नेपाली जनसम्पर्क समिति ओमानका तर्फबाट फर्सुराम पोखेरल र बेदनिधि आचार्य रहने निर्णय गरिएको छ ।
साथै चाँडै नै आचार संहिता तयार गरी आगामी पहिलो बैठकमा सार्वजनिक गर्ने र कार्यान्वयन गर्न गराउन पहल गर्ने र सार्वजनिक रुपमा आयोजना गरिने कुनै पनि साझा कार्यक्रमहरु र बिविध बिषयहरुमा प्राथमिकताका आधारमा छलफल गरी कार्यान्वयन गर्ने निर्णय समेत सर्व सम्मतद्वारा पारित गरिएको छ ।
