काठमाण्डौ ,२१ पुस ।
अष्ट्रेलियामा स्थायी बसोबास अनुमति (पीआर) पाउनेमा नेपाली नवौं नम्बरमा परेका छन् ।
आप्रवासन कार्यक्रम अन्र्तगत सन् २०१४र१५ को अबधिमा कुल ४ हजार १ सय ३० जना नेपालीले स्थायी बसोबास अनुमित पाएका छन् ।
अष्ट्रेलियाको डिपार्टमेन्ट अफ माइग्रेसन एण्ड बार्डर प्रोटेक्सनले हालै सार्वजनिक गरेको तथ्याङअनुसार नेपाल शीर्ष १० मुलुकमध्ये नवौं स्थानमा पर्न सफल भएको हो ।
यद्यपि अघिल्लो बर्ष यहि अवधिमा ४ हजार ३ सय ६४ जनाले स्थायी बसोबास अनुमति पाएका थिए ।
सार्वजनिक तथ्याङ्कअनुसार पीआर पाउने मुलुकको पहिलो स्थानमा भारत र दोस्रो स्थानमा चीन रहेको छ ।
यसैगरी बेलायत तेस्रो, फिलिपिन्स चौथो, पाकिस्तान पाँचौं, आइरिस रिपब्लिक छैटौं, भियतनाम सातौं, दक्षिण अफ्रिका आठौं र नेपाल नबौं स्थानमा छन् । मलेसिया दशौं स्थानमा पर्न सफल भएको छ ।
अष्ट्रेलियाको आप्रवासन कार्यक्रममा स्थायी अनुमति पाउनेमा दक्षिण एशियाली मुलुकबाट मात्रै २८.९ प्रतिशत रहेका छन् । अष्ट्रेलियामा स्थायी अनुमति पाउनेहरुमा रोजगारदाताको प्रायोजनप्राप्त दक्ष जनशक्तिको हिस्सा सवैभन्दा धेरै छ ।
