सन् २०२२ फेब्रुअरी २४ देखि युक्रेनसँग युद्धमा रहेको रुसका राष्ट्रपति भ्लादीमीर पुटिन आज दुई दिने भ्रमणका लागि भारत आँउदैछन् । भोली हुने प्रधानमन्त्री नरेन्द्र मोदीसँगको शिखर वार्तामा पुटिनले रक्षा सम्बन्ध, रणनीतिक ब्यापार लगायतका महत्वपूर्ण बिषयमा शिखर वार्ता गरेर सम्झौतामा हस्ताक्षर गर्ने भारतीय अधिकारीहरुलाई उद्धृत गर्दै सञ्चार माध्यमहरुले लेखेका छन् ।
भारत र रुसबीच हुने २३ औँ शिखर सम्मेलनलाई पुटिन र मोदीले संवोधन गर्नेछन् ।
पश्चिमा प्रतिवन्धका बीच रुसबाट भारतले ठूलो परिणाममा कच्चा तेल आयात गर्दै आएको छ ।
यस भ्रमणका क्रममा पुटिनसँग भारतले अत्याधुनिक एस–५०० एयर डिफेन्स सिस्टम खरीदबारे पनि प्रस्ताव राख्ने छन् ।
विभिन्न हतियारको मामलामा भारत दशकौँदेखि रुसमाथि निर्भर रहँदै आएको छ । रुसले पनि प्रविधि सहित अत्याधुनिक लडाकु विमान, एस ४०० एयर डिफेन्स सिस्टमहरु उपलव्ध गराउदै आएको छ ।
अमेरीका र युरोपेली प्रतिवन्धका बीच नियमित व्यापारीक रुटबाट रुसी लडाकु विमानहरुको सुरक्षा घेर सहित पुटिन नयाँ दिल्लीमा अवतरण गर्ने अनुमान गरिएको छ ।
