अमेरीकाले रुसको दुई ठूला तेल कम्पनी रोसनेफ्ट र लुकोईलमाथि प्रतिवन्ध लगाएको छ । राष्ट्रपति डोनाल्ड ट्रम्पले युद्ध बिरामका लागि रुसलाई बाध्य पार्न यो प्रतिवन्ध लगाएको दाबी गरेका छन् ।
अलास्का बैठक हुँदै पटक पटक फोन संवादका बीच २२ अक्टोबरमा हंगेरीमा पुटिनसँग हुने वार्ता रद्ध गरेर ट्रम्पले नयाँ प्रतिवन्धको घोषणा गरेका हुन् ।
अमेरीकाको यो प्रतिवन्धले रुसी अर्थतन्त्रमा दबाब बढ्ने अनुमान गरिएको छ ।
यद्यपि, २०२२ पछि पश्चिमा प्रतिवन्धका बीच रुसी अर्थतन्त्र निरन्तर बृद्धि भईरहेको छ ।
यसैबीच, अमेरीकाले आर्थिक प्रतिवन्ध लगाएकै बेला विश्वकै सबै भन्दा ठूलो परमाणु शक्ति रहेको रुसले बिशाल परमाणु युद्धअभ्यास गरेको छ । जसको प्रत्यक्ष निगरानी राष्ट्रपति भ्लादीमीर पुटिनले गरेका छन् । यार्स लगायतका अन्तरमहादेशीय मिसाईलहरुको प्रक्षेपण गरिएको थियो ।
यो विशाल सैन्य अभ्यासमा नौसेना, मरिन र स्थल सेनाले भाग लिएका थिए । यो परीक्षण मार्फत पुटिनले पश्चिमा जगतसँग कुनै पनि खतरासँग सामना गर्न तयार रहेको सन्देश दिएका छन् ।
