एजेन्सी भदौ ३ । युक्रेन युद्ध अन्त्यका लागि पहल गरीरहेका अमेरीकी राष्ट्रपति डोनाल्ड ट्रम्पले यु्क्रेनका राष्ट्रपति र युरोपेली देशका नेताहरुसँग छलफल गरेका छन् । जेलेन्सकीसँग वासिङटनमा वार्ता चलिरहेका बेला त्रिपक्षीय बैठकका बिषयमा रुसी राष्ट्रपति पुटिनसँग ट्रम्पले ४० मिनेट फोन वार्ता गरेका थिए ।
१४ अगष्टमा मात्रै रुसी पुटिन ट्रम्पबीच अलास्कामा बैठक भएको थियो ।
त्यसपछि ट्रम्पले जेलेन्सकीका साथै जर्मन चान्सलर , फ्रान्सका राष्ट्रपति , बेलायतका प्रधानमन्त्री र युरोपेली आयोगकी अध्यक्ष लगायत सहभागी थिए ।
यस बीचमा ट्रम्पले रुससँग युद्ध अन्त्य गर्न सजिलो नभएको भन्दै क्रिमिया युक्रेनले फिर्ता नपाउने, युक्रेन नाटोमा संलग्न नहुने जस्ता रुसी चासोहरुलाई लिएर छलफल गरेका थिए ।
शुरुमा जमिनको अदलाबदली अस्वीकार गर्दै आएका जेलेन्सकीले पछि सकारत्मक प्रतिकृया दिएको बतार्इृएको छ ।
जेलेन्सकीले ह्वाईट हाउसमा यस पटकको वार्ता सकारात्मक भएको टिप्पणी गरेका छन् ।
जेलेन्सकीले युक्रेनको सुरक्षा ग्यारेन्टीको माग गरेका छन् । जसमा ट्रम्पले अझै गहन छलफल गर्ने बताएका छन् ।
यो छलफल पछि अब ट्रम्पले पुटिन र जेलेन्सकीसँग सँयुक्त छलफल गरेर युद्ध अन्त्यको बिषयमा गंभीर छलफल गर्न तयारी गरेका छन् । आगामी केही साता भित्रै त्यो वार्ता संभव हुने देखिएको छ ।
