एजेन्सी साउन ३१ । अमेरीकी राष्ट्रपति डोनाल्ढ ट्रम्प र रुसी राष्ट्रपति भ्लादीमीर पुटिनबीच अलास्कामा शिखर बैठक सम्पन्न भएको छ । रुसबाट १५८ वर्ष अघि खरीद गरिएको अमेरीकाको ४९ औँ राज्य अलास्कामा यो ऐतिहासिक बार्ता सम्पन्न भएको हो ।
अढाई घण्टा लामो बैठकमा युक्रेन युद्ध अन्त्य , शान्ति र अमेरीका रुसबीचको सम्बन्धका बारेमा गहन छलफल भए पनि ठोस सहमति भने हुन बाँकी रहेको छ । पुटिनलाई ट्रम्पले भव्य स्वागत गरेका थिए ।
यो बैठकपछि आयोजित सँयुक्त पत्रकार सम्मेलनलाई संवोधन गर्दै पुटिनले वार्ता रचनात्मक रहेको बताए । उनले यदी पहिला ट्रम्प अमेरीकी राष्ट्रपति भएको भए युक्रेन युद्ध नहुने बताए ।
उनले युक्रेनलाई भाईचारा देशको रुपमा आफूले हेरेको टिप्पणी गरे ।
यसै गरी ट्रम्पले अब आफूले युरोपेली नेता, नाटो सहयोगी र खास गरी युक्रेनका राष्ट्रपति भोलोदिमीर जेलेन्सकीसँग छलफल गर्ने बताए ।
टम्पले फेरी छिट्टै भेट्ने भनेपछि पुटिनले अर्को समय मस्कोमा भेट्नु पर्छ भन्ने जवाफ दिएका थिए ।
