एजेन्सी साउन २४ । अमेरीकी राष्ट्रपति डोनाल्ड ट्रम्प र रुसी राष्ट्रपति भ्लादीमीर पुटिनबीच अगष्ट १५ मा अलास्कामा भेटवार्ता हुने भएको छ ।
ट्रम्पले सामाजिक सञ्जाल मार्फत शुक्रबार राति यो जानकारी दिएका हुन् । यस अघि सन् २०२१ मा पुटिन र ट्रम्पबीच भेटवार्ता भएको थियो ।
अब हुने वार्तामा युक्रेन युद्ध अन्त्य गर्ने मुख्य एजेण्डा रहेको छ । गत बुधबार मात्रै ट्रम्पले आफ्ना बिशेष दुत स्टिभ विटकफलाई मस्को पठाएका थिए । उनले पुटिनसँग भेटवार्ता गरेका थिए ।
ट्रम्प राष्ट्रपति भए लगत्तै युक्रेन युद्ध अन्त्यको पक्षमा निरन्तर लागि परेका छन् ।
उनले पूर्व राष्ट्रपति बाईडेनका कारण युद्ध भएको भन्दै आलोचना समेत गर्दै आएका थिए ।
ट्रम्पले रुस र युक्रेनबीच महत्वपूर्ण सम्झौता गराउने संभावना छ । तत्काल अस्थायी युद्ध बिराम गर्ने वा हवाई आक्रमण रोक्ने सहमति हुने या युक्रेनले गुमाएको भुभाग छाड्ने गरी शान्ति सम्झौता हुन सक्ने विज्ञहरुले आकलन गर्दै आएका छन् ।
