एजेन्सी मंसीर २५ । सिरीयामा विदेशी शक्ति समर्थित विद्रोहीले देश कब्जा गरे लगत्तै सिरीयामा ईजरायलले देशै भरी आक्रमण गरेको छ । सिरीया बोर्डरमा इजरायली सेना जमिनी हमलाको लागि पनि तयारी अवस्थामा छ ।
बसर अल असदले देश छाडे लगत्तै ईजरायलले गरेको आक्रमणको अरब देशहरुले भत्र्सना गरेका छन् ।
सिरीयाको सीमा क्षेत्र गोलन हाईटस्मा ईजरायली सेनाले जमिन कब्जा गरेको भन्दै साउदी अरेबिया, कतार र ईराकले भत्र्सना गरेका हुन् ।
कतारको विदेश मन्त्रालयले सिरीयामा ईजरायली आक्रमण र जमिन कब्जा अन्तराष्ट्रिय कानुन विपरीत र सिरीयाको सार्वभौम सत्ता बिरुद्धको खतरनाक आक्रमण भन्दै भत्र्सना गरेको छ ।
यसै गरी साउदी अरेबिया र इराकको विदेश मन्त्रालयले सिरीयामा ईजरायली आक्रमणको कडा निन्दा गर्दै यसलाई तत्काल रोक्न माग गरेका छन् ।
सिरीयाली राष्ट्रपति बसर अल असदले देश छाडेर भागे लगत्तै विद्रोहीहरुले नयाँ सरकार गठनको पहल गरीरहेका बेला ईजरायलले आक्रमण तीव्र पारेको छ ।
